අමුතු ලස්සනක් අහස අගිස්සේ
පායා ඇත දැන් අපි එන පාරේ
සුදෝ සුදු රැළිති නංවන සයුරේ
ඇදෙමු ඉදිරියට සමව සුළඟ සේ
ගළන ගඟ මතින් ඔරුව හසුරුවා
ලැහැඹ තුරුලේ
සැඟව සිටියේ…
ඇසෙනා හඬගා කියන කතාවක්
සවනට මුසුවේ කුරුලු බසින්
වැටෙනා හෙවනැලි තුරු අතරින්
මැවෙනා හැඩතල ඒ අතරින්
හැම රස ගන්වන
රස ලොව මෙහෙම තමා…
සිසිල දැනෙනා විටක මසිතේ
මැවේ එකවන් දසුන් මෙලෙසේ
ගතට එකසේ සිතට සැමසේ
විඳිය හැකිනම් මෙවන් රිසිසේ
නොවේ මුසපත්
අදුරු අහසේ...
©ඒ.ජී.උදය ශාමේන්ද්‍ර
0 අදහස්:
Post a Comment
අදහසක් දෙකක් ලියල යන්න පුලුවන් නම් වටිනව ::