එන්න අපේ සෙවනට... තවත් නොබෝ දිනකින්ම...

විශේෂ නිවේදන - අවදියෙන් සිටින්න... මේ ඔබේ අවස්ථාවයි!

මීලඟ නැවතුම!

Wednesday, December 22, 2010


මීලඟ නැවතුම පසුකරලාඔබ යයිනම් මා හැරදා
දුම්රිය ආයෙත් නවතනු නෑ මේ නවාතැනේ කිසිදා...

ආදර සිනහව මට පාලා...මගෙ නවාතැනේ හිඳලා,
හිතවත් හිත මට අහිමි කලේ නුඹ,තෙල්සායම් මකලා
සිතුවිලි සිතුවම් කරන්න හැකිනම් අදින්න ඒ රූපේ
මෙතුවක් කාලෙට ඇන්ද ඔබේ මම සෙවනැලි විතරක්නේ...

මීලඟ නැවතුම පසුකරලා…//
 
ජීවන දුම්රිය අතරමඟදි කලුවර කුටියට වැදුනා
පින්සල ගෙන මා අදින්න හැදු ඒ රුව අඳුරේ ගිලුනා
ගෙවුනු නිමේෂය අතැර දමන්නට මට බෑ ඔබ හන්දා
අවසන් වූ සිතුවම දැකගන්නට හිරු කිරණක් පැතුවා...

මීලඟ නැවතුම පසුකරලා…//
 
හිරුගේ උණුසුම ලැබගත් විගසම වියලෙන්නට බලනා
දිය සායමකින් ඔබ සිතුවම් කල මා වරදක් කරලා
දුටු විට ගැස්සුනු ඔබේ දසුන මා හිත මත ඇඳිල ගියා
පසුවුනු නැවතුම මගේ නොවන බව දැන් සහතික වනවා

©2010 උදය ශාමේන්ද්‍ර


Share/Bookmark

සිසිල දැනෙනා විටක මසිතේ

Tuesday, December 14, 2010


අමුතු ලස්සනක් අහස අගිස්සේ
පායා ඇත දැන් අපි එන පාරේ
සුදෝ සුදු රැළිති නංවන සයුරේ
ඇදෙමු ඉදිරියට සමව සුළඟ සේ
ගළන ගඟ මතින් ඔරුව හසුරුවා
ලැහැඹ තුරුලේ
සැඟව සිටියේ…

ඇසෙනා හඬගා කියන කතාවක්
සවනට මුසුවේ කුරුලු බසින්
වැටෙනා හෙවනැලි තුරු අතරින්
මැවෙනා හැඩතල ඒ අතරින්
හැම රස ගන්වන
රස ලොව මෙහෙම තමා…

සිසිල දැනෙනා විටක මසිතේ
මැවේ එකවන් දසුන් මෙලෙසේ
ගතට එකසේ සිතට සැමසේ
විඳිය හැකිනම් මෙවන් රිසිසේ
නොවේ මුසපත්
අදුරු අහසේ...

©ඒ.ජී.උදය ශාමේන්ද්‍ර



Share/Bookmark

ජුලියන් කොල්ලාගේ නොදුටු පැත්ත...

Monday, December 13, 2010

"ඇමරිකානු රාජ්‍ය දෙපාර්තමේන්තුවේ රහස් ලිපිගොනු අන්තර්ජාලයට එක් කරමින් ලොව පුරා මහත් ආන්දෝලනයක් ඇති කළ විකිලීක්ස් වෙබ් අඩවියේ නිර්මාතෘ ජුලියන් අසාංජ් බි‍්‍රතාන්‍ය පොලිසිය විසින් අත්අඩංගුවට ගෙන ඇත."
පසුගිය දිනවල සෑම පුවත් වෙබ් අඩවියකම වාගේ දකින්නට ලැබුනු ඉහත පුවත වූයේ ජුලියන් කොල්ලා පිළිබඳවයි.

1971දී ඕස්ට්‍රේලියාවේ ක්වීන්ස්ලන්ඩ් ප්‍රාන්ත්යේ උපත ලද ජුලියන් වර්තමානයේ ප්‍රසිද්ධ වූයේ විකිලීක්ස් / ස්ත්‍රී දූෂණ සම්බන්දයෙනි.
ඒත් මේ පිටුපස ඇති ඇත්ත කතාව මෙන්ම ඔහුගේ සැබෑ තතු ලොවෙන් වසන් වී ඇති බව බොහෝ සංවිධාන පවසයි.
මාධ්‍ය වෙනුවෙන් කල සේවය ඇගයීම වෙනුවෙන් ඔහු ජාත්‍යන්තර සම්මාන දෙකකින් පුද ලබා ඇත.
ඔහු වෘත්තීන් රැසක නිරත වී ඇත.
ඒ අතර මෘදුකාංග ඉංජිනේරුවරයෙකු, මාධ්‍යවේදියකු, අන්තර්ජාල ක්‍රියාකරිකයෙක් වගේම නමගිය හැකර් කෙනෙක් කියල තමයි ආරංච්ය.
ලොව පලමු පෝර්ට් ස්කෑනරය(විවෘත හා නිදහස්) වන "ස්ට්‍රෝබ්" නිපද්වූයේ කවුද?වෙන කවුද ඒ ඔහු.
රටවල් ගණනාවක සංචාරය කර මාධ්‍ය මෙහෙවර ඉටු කර ඇති ඔහු වරක් "මට ජීවත් වන්න සිදුවන්නේ ගුවන් තොටුපලවල " යැයි මාධ්‍යට පවසා ඇත.



ජුලියන්ගේ අම්මා ඔහු ගැන කියූ දේ:

ජුලියන් අසාන්ජ්ගේ රහසිගත/ සැගවුනු තතු:



විකිලීක්ස්

“විකිලීක්ස්” වෙබ් අඩවිය විසින් මෑත භාගයේ දී සිදුකරන ලද අතිශය ආන්දෝලනාත්මක හෙළිදරව් කිරීම් හේතුවෙන් බටහිර හා අමෙරිකානු ප්‍රජාතන්ත්‍රවාදයේ ව්‍යාජ සළුපිළි ගැලවී ගිය බව පැහැදිළි කාරණයකි. කිසියම් රාජ්‍යයක් හා සම්බන්ධ අතිශය වැදගත් රහසිගත තොරතුරු යම් කිසි අයුරකින් ප්‍රසිද්ධියට පත්වීම රාජ්‍ය තාන්ත්‍රික සදාචාරමය මුලධර්මයන්ට අනුව අනුමත නොකෙරේ.
එහෙත්, මෙහිදී හෙළිදරව් වී ඇති කාරණා ඔස්සේ සමස්ත ලෝකයේ යහපතට හේතුවන ක්‍රියාමාර්ග කරා අවතීර්ණවීමට ඇති හැකියාව තුළ එය නිකම්ම බැහැර කළ නොහැකි වී තිබේ. එසේම, ප්‍රජාතන්ත්‍රවාදය, මානව හිමිකම්, අදහස් ප්‍රකාශනයේ නිදහස වැනි මාතෘකා පිළිබඳ උස්හඩින් කතා කරන හා එම කාරණා සෙසු රටවල් තමන්ට අවනතව තබා ගැනීමේ ආයුධ ලෙස යොදාගන්නා බලවත් රටවල් ඒවාට ගරුකර ඇති ආකාරය මෙම හෙළිදරව් කිරීම් මඟින් සාක්ෂි සහිතව සනාථ වන නිසාද එය අවධානයට ලක්විය යුතුය.
අමෙරිකාව සහ බටහිර බලවතුන්ගේ කියුම් සහ කෙරුම් අතර ඇති බරපතළ වෙනස ද ‘විකිලීක්ස්’ වෙබ් අඩවිය පැහැදිලිව පෙන්නුම් කර ඇත.
මුලින් ඉරාක ආක්‍රමණය හා ඉරාකයේ සිදුවන අමෙරිකානු හමුදා ක්‍රියාකාරකම් පිළිබඳ රහස්‍ය තොරතුරු දස දහස් සංඛ්‍යාත ප්‍රමාණයක් නිරාවරණය කළ ‘විකිලීක්ස්’ වෙබ් අඩවිය ඉන් පසුව ඇෆ්ගන් යුද දිනපොත මැයෙන් ඇෆ්ගන් යුද්ධය පිළිබඳ තොරතුරු, වීඩියෝ දර්ශන, ඡායාරූප ආදිය ලක්ෂයකට ආසන්න ප්‍රමාණයක් හෙළිදරව් කළේය.
එම හෙළිදරව් කිරීම් සමඟ ඇෆ්ගනිස්තානයේ හා ඉරාකයේ “ත්‍රස්තවාදයට එරෙහි යුද්ධයට මුවාවෙමින් සිදුවන දේවල් පිළිබඳ එතෙක් කෙරී තිබූ අනාවරණයන්ට හා අදහස් ප්‍රකාශනයන්ට ප්‍රබල සාක්ෂිමය පදනමක්ද ඇතිවිණි.

-(C) 2010-12-13 දිනමිණ

විකිලීක්ස් ගැන බොහෝ දෙනා දැන් දන්න නිසා ඒ ගැන අමුතුවෙන් පැවසීම අවශ්‍ය නොවේ. ඉහත සඳහන් වන්නේ ඒ ගැන දිනමිණ පුවත්පතේ සඳහන් වී තිබූ අයුරු.

මේ ඔහුගේ හඬයි : මේ ලෝකයට විකිලීක්ස් වලින් ඇති ප්‍රයෝයනය කුමක්ද? ඔහු "ටෙඩ්" සම්මන්ත්‍රණයකදී පැවසූ අදහස්!





ඔහු පිලිබඳ ජාත්‍යන්තර මාධ්‍යයේ පල වන කාටූන: 





Share/Bookmark